Zaburi 98 - BIBLIA Maandiko Matakatifu Kwa Watu Wote 2002

Mungu mutawala wa dunia yote

¹ Zaburi. Mumwimbie Yawe wimbo mupya, kwa maana ametenda mambo ya ajabu! Nguvu yake kubwa, mukono wake mutakatifu umemupatia ushindi.

² Yawe ameonyesha ushindi wake; ameonyesha wazi kwa mataifa uwezo wake wa kuokoa.

³ Amekumbuka wema na uaminifu wake kwa Waisraeli. Pande zote za dunia zimeuona ushindi wa Mungu wetu.

⁴ Dunia yote imushangilie Yawe; imusifu kwa nyimbo na vigelegele.

⁵ Mumusifu Yawe kwa shangwe, mumusifu kwa sauti tamu za zeze.

⁶ Mumupigie vigelegele Yawe mufalme wetu, mumushangilie kwa sauti ya baragumu na ngunga.

⁷ Bahari ivume na vyote vinavyokuwa ndani yake, dunia na wote wanaoishi ndani yake.

⁸ Enyi mito, mupige vigelegele; enyi vilima, muimbe pamoja kwa shangwe.

⁹ Mushangilie mbele ya Yawe, maana anakuja kutawala dunia. Atahukumu ulimwengu kwa haki, atatawala mataifa kama vile inavyofaa.