Zaburi 97 - BIBLIA Maandiko Matakatifu Kwa Watu Wote 2002

Mungu ni mutawala mukubwa

¹ Yawe anatawala! Furahi, ee dunia! Mufurahi, enyi visanga vingi!

² Mawingu na giza nzito vinamuzunguka; haki na sheria ni musingi wa utawala wake.

³ Moto unatangulia mbele yake, na kuwateketeza waadui zake pande zote.

⁴ Umeme wake unaangaza ulimwengu; dunia inauona na kutetemeka.

⁵ Milima inayeyuka kama inta mbele ya Yawe, mbele ya Bwana wa dunia yote.

⁶ Mbingu zinatangaza haki yake; na mataifa yote yanauona utukufu wake.

⁷ Wote wanaoabudu sanamu na kujisifia miungu ya bure wanafezeheshwa. Miungu yote inainama mbele yake.

⁸ Watu wa Sayuni wanasikia hayo na kufurahi; watu wa Yuda wanashangilia kwa ajili ya hukumu zako, ee Mungu.

⁹ Wewe Yawe ni mukubwa juu ya dunia yote; wewe unatukuzwa juu ya miungu yote.

¹⁰ Yawe anawapenda wale wanaochukia uovu, anayalinda maisha ya watu wake, anawaokoa kutoka makucha ya waovu.

¹¹ Mwangaza unamwangazia mutu wa haki, nayo furaha ni kwa watu wenye moyo wa usawa.

¹² Mufurahi kwa sababu ya Yawe, enyi watu wa haki; mumushukuru kwa ajili ya utakatifu wake.