Zaburi 96 - BIBLIA Maandiko Matakatifu Kwa Watu Wote 2002

Mungu mufalme na mwamuzi

¹ Mumwimbie Yawe wimbo mupya! Mumwimbie Yawe, ninyi ulimwengu wote!

² Mumwimbie Yawe na kusifu jina lake. Mutangaze kila siku matendo yake ya wokovu.

³ Muyatangazie mataifa utukufu wake, muwaambie watu wote matendo yake ya ajabu.

⁴ Maana Yawe ni mukubwa, anasifiwa sana; anastahili kuheshimiwa kuliko miungu yote.

⁵ Miungu ya mataifa si kitu; lakini Yawe ndiye aliyeumba mbingu.

⁶ Heshima na sifa vinamuzunguka; nguvu na uzuri vinajaza hekalu lake.

⁷ Mumupe Yawe heshima, enyi watu wa kila namna; mutangaze utukufu na nguvu yake.

⁸ Mumupe Yawe utukufu wa jina lake. Mulete sadaka na kuingia katika viwanja vya hekalu lake.

⁹ Mumwabudu Yawe katika pahali pake patakatifu; tetemeka mbele yake, ee dunia nzima!

¹⁰ Muyaambie mataifa: “Yawe anatawala! Ameuweka ulimwengu imara, hautatikisika. Atahukumu mataifa kama vile inavyofaa.”

¹¹ Mufurahi, enyi mbingu na dunia! Bahari ivume pamoja na vyote vinavyokuwa ndani yake!

¹² Mufurahi, enyi mbuga na vyote vinavyokuwa ndani yenu! Halafu miti yote ya pori itaimba kwa furaha,

¹³ mbele ya Yawe kwa sababu anakuja. Anakuja kuhukumu dunia. Atahukumu dunia kwa haki, na mataifa kwa uaminifu wake.