Zaburi 95 - BIBLIA Maandiko Matakatifu Kwa Watu Wote 2002

Wimbo wa kumusifu Mungu

¹ Mukuje tumwimbie Yawe, tumushangilie yeye kikingio na mwokozi wetu!

² Tuende mbele yake na nyimbo za shukrani; tumushangilie kwa nyimbo za sifa.

³ Maana Yawe ni Mungu mukubwa; yeye ni mufalme mukubwa juu ya miungu yote.

⁴ Mabonde ni katika mikono yake, vilele vya milima ni vyake.

⁵ Bahari ni yake, ndiye aliyeifanya; kwa mikono yake aliumba inchi kavu.

⁶ Mukuje tuiname chini na kumwabudu; tumupigie magoti Yawe, Muumba wetu!

⁷ Maana yeye ni Mungu wetu. Sisi ni watu wake, kondoo wanaochungwa katika malisho yake. Heri leo mungesikiliza hivi anavyosema:

⁸ “Musikuwe wagumu kama kule Meriba, kama ilivyokuwa kule Masa katika jangwa,

⁹ babu zenu waliponijaribu na kunipima, ingawa walikuwa wameona mambo niliyowatendea.

¹⁰ Kwa miaka makumi ine nilichukizwa nao, nikasema: ‘Kweli, hawa ni watu waliopotoka! Hawajali kabisa njia zangu!’

¹¹ Basi, nikaapa kwa kasirani kwamba hawataingia kwenye mapumziko niliyowatayarishia.”