Zaburi 91 - BIBLIA Maandiko Matakatifu Kwa Watu Wote 2002

Mungu mulinzi wetu

¹ Ukikaa chini ya ulinzi wa Mungu Mukubwa, ukiishi chini ya kivuli cha Mungu Mwenye Nguvu,

² utaweza kumwambia Yawe: “Wewe ni kimbilio langu ninamojificha, Mungu wangu ninayemutumainia!”

³ Hakika Mungu atakuokoa katika mutego, atakukinga na magonjwa mabaya.

⁴ Atakufunika kwa mabawa yake; utapata usalama kwake. Uaminifu wake ni ngao ya kukinga.

⁵ Hautaogopa vitisho vya usiku, wala shambulio la rafla muchana.

⁶ Hautaogopa ugonjwa mukali unaotokea usiku, wala hasara inayotokea muchana.

⁷ Kama watu elfu wakianguka pembeni yako, hata elfu kumi karibu yako, hasara haitakupata.

⁸ Kwa macho yako mwenyewe utaangalia, na kuona jinsi watu waovu wanavyoazibiwa.

⁹ Wewe umemufanya Yawe kuwa kimbilio lako; Mungu anayekuwa juu kuwa tegemeo lako.

¹⁰ Kwa hiyo, hautapatwa na hasara yoyote; nyumba yako haitakaribiwa na pigo lolote.

¹¹ Maana Mungu atawaamuru wamalaika wake, wakulinde popote unapoenda.

¹² Watakuchukua katika mikono yao, kusudi usijikwae kwenye jiwe.

¹³ Utakanyaga simba na nyoka wa hatari, utawaponda simba wakali na nyoka.

¹⁴ Mungu anasema: “Nitamwokoa yule anayenipenda; nitamulinda anayejua jina langu!

¹⁵ Akiniita, mimi nitamwitikia; akikuwa katika taabu nitakuwa pamoja naye, nitamwokoa na kumupa heshima.

¹⁶ Nitamupa maisha marefu, nitamujalia wokovu wangu.”