Zaburi 88 - BIBLIA Maandiko Matakatifu Kwa Watu Wote 2002

Kilio cha musaada

¹ Kwa mukubwa wa waimbaji. Zaburi ya Wakora: Kwa mutindo wa wimbo wa huzuni. Mashairi ya Hemani Mwezra.

² Ee Yawe, mwokozi wangu, ninalia muchana kutwa, na usiku ninakulalamikia.

³ Maombi yangu yakufikie, usikilize kilio changu.

⁴ Hasara inanipita kipimo, nami niko karibu kufa.

⁵ Ninaonekana kama mutu anayeshuka katika shimo la wafu. Nguvu zangu zote zimeniishia.

⁶ Ninahesabiwa kati ya wafu, kama waliouawa, wanaokuwa katika kaburi, kama wale ambao hauwakumbuki tena, ambao wametengwa na ulinzi wako.

⁷ Umenitupa mbali katika shimo la wafu, katika giza kubwa.

⁸ Hasira yako imenilemea; umenisonga kwa zoruba yako yote.

⁹ Umewafanya warafiki zangu waniepuke, umenifanya kuwa chukizo kwao. Nimefungwa wala siwezi kutoroka.

¹⁰ Macho yangu yamefifia kwa huzuni. Kila siku ninakulilia, ee Yawe. Ninakunyooshea mikono yangu.

¹¹ Wewe unawatendea wafu maajabu yako? Waliokufa wanafufuka na kukusifu?

¹² Wema wako unatajwa ndani ya kaburi, au uaminifu wako katika shimo la kuangamia?

¹³ Maajabu yako yanajulikana humo katika giza, au matendo yako ya haki katika inchi ya waliosahauliwa?

¹⁴ Mimi ninakulilia, ee Yawe. Kila asubui ninakuletea ombi langu.

¹⁵ Mbona, ee Yawe, unanitupilia mbali? Kwa nini unanificha uso wako?

¹⁶ Nimeteseka na kukaribia kifo tangu ujana wangu; ninateseka kwa mapigo yako, niko tabani kabisa.

¹⁷ Kasirani yako imeniwakia; mashambulio yako ya kutisha yananiangamiza.

¹⁸ Yananizunguka kama mafuriko muchana kutwa; yananizunguka yote pamoja.

¹⁹ Umewafanya warafiki na wenzangu wote waniepuke; giza ndilo limekuwa mwenzangu.