Zaburi 85 - BIBLIA Maandiko Matakatifu Kwa Watu Wote 2002

Kuombea taifa baraka

¹ Kwa mukubwa wa waimbaji: Zaburi ya Wakora.

² Ee Yawe, umependelea inchi yako; umerudishia wazao wa Yakobo hali nzuri.

³ Umewasamehe watu wako kosa lao; umefuta zambi zao zote.

⁴ Umezuia kasirani yako yote; umeacha hasira yako kali.

⁵ Utustareheshe tena, ee Mungu mwokozi wetu; uondoe chuki unayokuwa nayo juu yetu.

⁶ Utatukasirikia hata milele? Utadumisha kasirani yako kwa vizazi vyote?

⁷ Hautatujalia tena maisha mapya, kusudi watu wako wafurahi kwa sababu yako?

⁸ Utuonyeshe wema wako, ee Yawe, utujalie wokovu wako.

⁹ Ninasikiliza yale Yawe anayosema, maana anaahidi kuwapa watu wake amani, watu wake mwenyewe wasiporudilia upumbafu wao.

¹⁰ Hakika yeye ni tayari kuwaokoa wanaomuheshimu, na utukufu wake utadumu katika inchi yetu.

¹¹ Wema na uaminifu vitakutana; haki na amani vitashikamana.

¹² Uaminifu utachipuka katika inchi; haki utashuka toka mbinguni.

¹³ Kweli, Yawe atatuletea baraka, na inchi yetu itatoa mazao yake mengi.

¹⁴ Haki itamutangulia Mungu na kumutayarishia njia yake.