Zaburi 83 - BIBLIA Maandiko Matakatifu Kwa Watu Wote 2002

Maombi juu ya waadui za Israeli

¹ Zaburi ya Asafu. Wimbo.

² Ee Mungu, usikae kimya! Usinyamaze, ee Mungu, wala usitulie!

³ Angalia! Waadui zako wanafanya fujo; wanaokuchukia wanainua vichwa kwa kiburi.

⁴ Wanafanya mipango mibaya kwa kuwazuru watu wako; wanashauriana juu ya hao unaowalinda.

⁵ Wanasema: “Mukuje tuangamize taifa lao, hata jina la Israeli lisikumbukwe tena.”

⁶ Kweli, wanakubaliana kwa moyo moja, wanafanya mapatano juu yako:

⁷ Waedomu na Waisimaeli, Wamoabu na Wahagari;

⁸ Wagebali, Waamoni na Waamaleki, Wafilistini na wakaaji wa Tiro.

⁹ Hata Waasuria wameshirikiana nao, wamewaunga mukono wazao wa Loti!

¹⁰ Uwatendee ulivyowatendea Wamidiani, ulivyowatendea Sisera na Mufalme Asikie kwenye muto Kisoni,

¹¹ watu uliowaangamiza kule Endori, wakakuwa takataka juu ya inchi.

¹² Uwatendee wakubwa na watawala wao kama Kibombobombo na Mbwa wa Pori, kama Sadaka na Kivuli,

¹³ ambao walisema: “Tutajitwalia inchi ya Mungu.”

¹⁴ Ee Mungu wangu, uwafanye kama mavumbi; kama makapi yanayopeperushwa na upepo.

¹⁵ Kama vile moto unavyoteketeza pori, na ndimi za moto zinavyounguza milima,

¹⁶ uwakimbize hao kwa zoruba yako, na kuwatisha kwa upepo wako mukali!

¹⁷ Ujaze nyuso zao haya, wapate kukutafuta, ee Yawe.

¹⁸ Wafezeheke na kuhangaika milele, waangamie kwa haya kabisa.

¹⁹ Wajue kwamba wewe peke yako, ambaye jina lako ni Yawe, ndiwe Mungu Mukubwa juu ya dunia yote.