Zaburi 82 - BIBLIA Maandiko Matakatifu Kwa Watu Wote 2002

Mungu ni mutawala mukubwa

¹ Zaburi ya Asafu. Mungu anasimamia baraza lake. Anatoa hukumu katika kusanyiko la miungu:

² “Mpaka wakati gani mutaendelea kuhukumu bila haki na kuwapendelea watu waovu?

³ Muimarishe sheria yangu kwa wazaifu na wayatima; muwatendee wasiojiweza na wamasikini kwa haki.

⁴ Muwaokoe wazaifu na wakosefu, muwaopoe kutoka makucha ya waovu.

⁵ “Lakini ninyi hamujui wala hamufahamu! Ninyi munatembea katika giza la upotovu! Misingi yote ya haki katika dunia imetikiswa!

⁶ Mimi nilisema kwamba ninyi ni miungu, kwamba ninyi wote ni wana wa Mungu Mukubwa!

⁷ Hata hivyo, mutakufa kama watu wote; mutaanguka kama mukubwa yeyote.”

⁸ Simama sasa, ee Mungu, uuhukumu ulimwengu; maana mataifa yote ni mali yako.