Zaburi 8 - BIBLIA Maandiko Matakatifu Kwa Watu Wote 2002

Utukufu wa Mungu na cheo cha mwanadamu

¹ Kwa mukubwa wa waimbaji. Kwa mutindo wa watu wa Gati. Zaburi ya Daudi.

² Ee Yawe, Bwana wetu, jina lako linatukuzwa sana katika dunia yote! Utukufu wako unaenea mpaka juu ya mbingu!

³ Kutoka maneno ya watoto wadogo, hata wachanga, unaimarisha nguvu mbele ya waadui zako na kuwakomesha waasi na wapinzani wako.

⁴ Nikiangalia mbingu uliyoumba kwa vidole vyako, mwezi na nyota ulizozisimika huko,

⁵ mutu ni nini, ee Mungu, hata umufikirie? Mwanadamu ni nini hata umujali?

⁶ Umemufanya kuwa karibu sawa na Mungu, umemujaza utukufu na heshima.

⁷ Ulimupa utawala juu ya vyote ulivyoviumba; uliweka viumbe vyote chini ya mamlaka yake:

⁸ kondoo, ngombe, na nyama wa pori,

⁹ ndege, samaki, na viumbe vyote vya bahari.

¹⁰ Ee Yawe, Bwana wetu, jina lako linatukuzwa sana katika dunia yote!