Zaburi 73 - BIBLIA Maandiko Matakatifu Kwa Watu Wote 2002

SEHEMU YA TATU (Zaburi 73–89 ) Haki itatawala

¹ Zaburi ya Asafu. Hakika, Mungu ni muzuri kwa Israeli, kwa watu wenye moyo safi.

² Nilikuwa karibu sana kujikwaa, kidogo tu ningeteleza,

³ maana niliwaonea wivu wenye kiburi, nilipoona wakosaji wakifanikiwa.

⁴ Maana hao hawapatwi na mateso; miili yao ina afya, nao wana nguvu.

⁵ Taabu za mwanadamu haziwapati hao; hawapati mateso kama watu wengine.

⁶ Kiburi kimekuwa kama mukufu katika shingo, mateso makali ni kama nguo yao.

⁷ Mazarau yanatokana na unene wao; mioyo yao inatiririka mipango mibaya.

⁸ Wanawachekelea wengine na kusema mabaya; wanajivuna na kufanya mipango ya utesaji.

⁹ Kwa vinywa vyao wanatukana mbingu; kwa ndimi zao wanajitapa katika dunia.

¹⁰ Hata watu wa Mungu wanawafuata, hawaoni kwao kitu chochote kibaya na kusadiki kila wanachosema.

¹¹ Wanasema: “Mungu hawezi kujua! Mungu Mukubwa hataweza kugundua!”

¹² Hivi ndivyo watu waovu wanavyokuwa; wako na kila kitu, nao wanapata hata zaidi.

¹³ Kweli ni kwa bure nimejichunga katika usafi wa moyo, na kujilinda nisitende zambi?

¹⁴ Muchana kutwa ninapata mapigo, kila asubui nimepata mateso.

¹⁵ Ningalisema kama wao, ningalikuwa mwenye uasi kati ya watu wako.

¹⁶ Basi, nilijaribu kufikiri juu ya jambo hili, lakini lilikuwa gumu sana kwangu,

¹⁷ mpaka nilipoingia pahali pako patakatifu. Halafu nikatambua yatakayowapata waovu.

¹⁸ Kweli wewe unawaweka pahali penye utelezi; unawafanya waanguke na kuangamia.

¹⁹ Wanaangamizwa kwa rafla, wateketezwe kabisa kwa vitisho.

²⁰ Ee Bwana, unapoinuka, wanatoweka kama ndoto, kama ndoto wakati mutu anapoamuka.

²¹ Nilipoona uchungu katika moyo na kuchomwa katika roho,

²² nilikuwa mupumbafu na mujinga, nilikuwa kama nyama mbele yako.

²³ Hata hivyo siku zote niko nawe, ee Mungu! Unanishika mukono wa kuume.

²⁴ Wewe unaniongoza kwa mashauri yako; na kwa mwisho utanipokea kwenye utukufu.

²⁵ Mbinguni, nani anayeweza kunisaidia isipokuwa wewe? Na katika dunia hamuna ninachokitamani isipokuwa wewe!

²⁶ Hata nikikosa nguvu katika mwili na katika roho, wewe, ee Mungu, ni kikingio changu; na hitaji langu lote ni wewe kwa milele.

²⁷ Anayejitenga nawe, hakika ataangamia. Anayekukana, utamwangamiza.

²⁸ Lakini, kwangu ni vizuri kuwa karibu na Mungu. Wewe Bwana wangu Yawe ndiwe usalama wangu. Nitatangaza mambo yote uliyotenda!