Zaburi 72 - BIBLIA Maandiko Matakatifu Kwa Watu Wote 2002

Kumwombea mufalme

¹ Zaburi ya Solomono. Ee Mungu, umujalie mufalme uwezo wa kufuata sheria yako, umupe mwana wa mufalme haki yako.

² Atawale taifa lako kwa haki, na wamasikini wako kwa sheria yako.

³ Milima ilete ustawi kwa watu wako, vilima vijae haki.

⁴ Mufalme awatetee wamasikini wa taifa, awasaidie wakosefu, na kuwaangamiza watesaji.

⁵ Mufalme aishi muda murefu kama jua, na kama mwezi, kwa vizazi vyote.

⁶ Akuwe kama manyunyu yanayolowanisha mashamba, kama mvua inayonyeshea udongo.

⁷ Haki istawi maisha yake yote, na amani kwa wingi mpaka mwezi ukome.

⁸ Atawale kutoka bahari hata bahari, kutoka muto Furati hata miisho ya dunia.

⁹ Waadui zake wanaokaa katika jangwa wanyenyekee mbele yake, wapinzani wake walambule vumbi.

¹⁰ Wafalme wa Tarsisi na visiwa wamulipe kodi, wafalme wa Sheba na Seba wamuletee zawadi.

¹¹ Wafalme wote wa dunia wamuheshimu, watu wa mataifa yote wamutumikie.

¹² Atamukomboa mukosefu anayemwomba, na masikini asiyekuwa na wa kumusaidia.

¹³ Atawahurumia wazaifu na wakosefu, atayaokoa maisha yao wenye shida.

¹⁴ Atawatoa katika mateso na ukali, maana maisha yao ni ya bei kubwa kwake.

¹⁵ Mufalme aishi maisha marefu; apokee zawadi ya zahabu kutoka Sheba; watu wamwombee kwa Mungu siku zote, na kumutakia baraka muchana kutwa.

¹⁶ Inchi itoe mazao kwa wingi, vilima vijae mavuno kama ya Lebanoni, na watu wa miji wastawi kama majani.

¹⁷ Jina la mufalme litukuzwe siku zote; utukufu wake udumu muda wote jua litakapokuwa. Kwake mataifa yote yabarikiwe; watu wote wamwite mwenye heri!

¹⁸ Atukuzwe Yawe, Mungu wa Israeli, ambaye peke yake anafanya miujiza.

¹⁹ Jina lake tukufu litukuzwe milele; utukufu wake ujae katika ulimwengu wote! Amina, Amina!

²⁰ Mwisho wa maombi ya Daudi mwana wa Yese.