Zaburi 68 - BIBLIA Maandiko Matakatifu Kwa Watu Wote 2002

Wimbo wa ushindi

¹ Kwa mukubwa wa waimbaji. Zaburi ya Daudi.

² Mungu asimame sasa, na waadui zake watawanyike! Wanaomuchukia wakimbie mbali naye!

³ Kama moshi unavyopeperushwa na upepo, ndivyo nao wanavyopeperushwa; kama inta inavyoyeyuka karibu na moto, ndivyo waovu wanavyoangamia mbele ya Mungu!

⁴ Lakini watu wa haki wanafurahi Mungu anapokuja, wanashangilia na kuimba kwa furaha.

⁵ Mumwimbie Mungu, musifu jina lake; mumutengenezee njia yeye anayetembea juu ya mawingu. Jina lake ni Yawe; mufurahi mbele yake.

⁶ Mungu anayekaa pahali pake patakatifu, ni Baba ya wayatima na mulinzi wa wajane.

⁷ Mungu anawapatia wenye ukiwa jamaa, anawafungua wafungwa na kuwapa uheri. Lakini waasi wataishi katika inchi yenye kukauka.

⁸ Ee Mungu, ulipowaongoza watu wako, uliposafiri kule katika jangwa,

⁹ dunia ilitetemeka, mbingu zilitiririsha mvua; mbele yako, Mungu wa Sinai, mbele yako, Mungu wa Israeli!

¹⁰ Ee Mungu, ulinyeshea inchi mvua nyingi, ulitia tena inchi yako nguvu ilipokuwa imechakaa.

¹¹ Watu wako wakapata makao ndani yake, uliyotayarishia wamasikini kwa uzuri wako.

¹² Bwana alitoa amri, nao wanawake wengi wakatangaza habari:

¹³ “Wafalme na majeshi yao wanakimbia ovyo!” Wanawake waliobaki ndani ya nyumba waligawanya vitu vilivyonyanganywa,

¹⁴ ingawa walibaki ndani ya mazizi: sanamu za njiwa zilizotengenezwa na feza, na mabawa yao yanayoangaa zahabu.

¹⁵ Mungu Mukubwa alipowatawanya wafalme, teluji ilianguka juu ya mulima Salmoni.

¹⁶ Ewe mulima wa Basani, murefu na wenye vichwa vingi,

¹⁷ mbona unauonea kijicho mulima Mungu aliouchagua akae juu yake? Yawe atakaa huko milele!

¹⁸ Bwana anakuja kwenye pahali pake patakatifu kutoka Sinai, akikuwa na kundi kubwa, na maelfu na maelfu ya magari ya kukokotwa.

¹⁹ Anapanda juu akichukua wafungwa, anapokea zawadi kutoka kwa watu, hata kutoka kwa watu walioasi, Yawe apate kukaa huko.

²⁰ Yawe asifiwe siku kwa siku! Yeye anatubebea mizigo yetu, yeye ndiye Mungu mwokozi wetu.

²¹ Mungu wetu ni Mungu mwenye kutuokoa; Bwana wetu Yawe pekee ndiye anayeokoa katika kifo.

²² Mungu ataviponda vichwa vya waadui zake, ndivyo vichwa vya wanaoendelea katika njia mbaya.

²³ Bwana wetu alisema: “Nitawarudisha waadui kutoka Basani; nitawarudisha kutoka shimo la bahari,

²⁴ usafishe miguu katika damu ya waadui zako, nao imbwa wako wapate posho yao.”

²⁵ Ee Mungu, maandamano yako ya ushindi yanaonekana; maandamano ya Mungu wangu, mufalme wangu, katika pahali patakatifu!

²⁶ Mbele waimbaji, nyuma wanamuziki, katikati wabinti wanavumisha ngoma.

²⁷ “Mumusifu Mungu katika mukutano. Mumusifu Yawe, enyi wazao wa Israeli!”

²⁸ Kwanza ni Benjamina, mudogo wa wote; kisha waongozi wa Yuda na kundi lao, halafu wakubwa wa Zebuluni na Nafutali.

²⁹ Onyesha, ee Mungu, nguvu yako kubwa; nguvu yako uliyotumia kwa ajili yetu.

³⁰ Kutoka katika hekalu lako, Yerusalema, ambapo wafalme watakufikia na zawadi zao,

³¹ uwakaripie wale nyama wanaokaa katika matete, kundi la mabeberu na ngombe dume, mpaka mataifa hayo yakupe heshima na kodi. Uwatawanye hao watu wenye kupenda vita!

³² Wajumbe watakuja kutoka Misri, Waetiopia watamuletea Mungu mali zao.

³³ Enyi falme za dunia, mumwimbie Mungu, mumwimbie Bwana wetu nyimbo za sifa,

³⁴ mumwimbie yeye anayepita katika mbingu, mbingu za tangu zamani. Mumusikilize akinguruma kwa kishindo.

³⁵ Mutambue nguvu za Mungu; yeye anatawala juu ya Israeli, mamlaka yake yanafika katika mbingu.

³⁶ Mungu ni wa kutisha tangia pahali pake patakatifu, yeye ni Mungu wa Israeli! Anawapa watu wake nguvu na uwezo. Mungu asifiwe!