Zaburi 67 - BIBLIA Maandiko Matakatifu Kwa Watu Wote 2002

Wimbo wa shukrani

¹ Kwa mukubwa wa waimbaji. Kwa vyombo vyenye nyuzi. Zaburi. Wimbo.

² Utuonee huruma, ee Mungu, utubariki, utuelekezee uso wako kwa wema,

³ dunia yote ipate kutambua njia yako, mataifa yote yajue nguvu yako ya kuokoa.

⁴ Watu wakusifu, ee Mungu, watu wote wakusifu!

⁵ Mataifa yote yafurahi na kuimba kwa furaha; maana unawahukumu watu kwa usawa, na kuyaongoza mataifa katika dunia.

⁶ Watu wakusifu, ee Mungu, watu wote wakusifu!

⁷ Inchi imetoa mazao yake; Mungu, Mungu wetu, ametubariki.

⁸ Mungu aendelee kutubariki. Watu wote katika dunia wamwabudu.