Zaburi 66 - BIBLIA Maandiko Matakatifu Kwa Watu Wote 2002

Wimbo wa shukrani

¹ Kwa mukubwa wa waimbaji. Wimbo. Zaburi. Enyi wakaaji wote wa dunia, mumushangilie Mungu!

² Muimbe kwa ajili ya utukufu wa jina lake, mumusifu kwa utukufu!

³ Mumwambie Mungu: “Matendo yako ni ya ajabu! Kwa nguvu yako kubwa waadui zako wanaishiwa nguvu.

⁴ Dunia yote inakuabudu; watu wote wanakuimbia sifa!”

⁵ Mukuje muone mambo Mungu aliyotenda; ametenda mambo ya kutisha kati ya watu.

⁶ Aligeuza bahari kuwa inchi kavu, watu wakapita humo kwa miguu; kwa hiyo nasi tukashangilia.

⁷ Anatawala milele kwa nguvu yake kubwa; macho yake yanachungulia mataifa yote. Mwasi yeyote asisubutu kumupinga.

⁸ Mumusifu Mungu wetu, enyi mataifa yote; mutangaze sifa zake zipate kusikilika.

⁹ Yeye ametujalia maisha, wala hakutuacha tuanguke.

¹⁰ Umetupima, ee Mungu, umetujaribu kama madini kwa moto.

¹¹ Umetunasa katika wavu; umetubebesha muzigo muzito.

¹² Umewaacha watu watukanyage; tumepitia katika moto na katika maji. Lakini sasa umetuleta kwenye usalama.

¹³ Nitakuja ndani ya nyumba yako na sadaka za kuteketezwa, nitakutimizia viapo vyangu

¹⁴ nilivyotamka na kukuahidia mimi mwenyewe nilipokuwa katika taabu.

¹⁵ Nitakutolea sadaka za kuteketezwa za nyama wenye kunona, sadaka za kuteketezwa za kondoo dume; nitatoa sadaka za ngombe dume na beberu.

¹⁶ Enyi munaomwabudu Mungu, mukuje wote musikilize, nami nitawaelezea mambo aliyonitendea.

¹⁷ Mimi nilimulilia kwa sauti, sifa zake nikazitangaza.

¹⁸ Kama ningalikusudia maovu ndani ya moyo, Yawe hangalinisikiliza.

¹⁹ Lakini kweli Mungu amenisikiliza; amesikiliza maneno ya maombi yangu.

²⁰ Mungu asifiwe! Hakukataa maombi yangu, wala hakuacha kunitendea mema.