Zaburi 61 - BIBLIA Maandiko Matakatifu Kwa Watu Wote 2002

Kuomba ulinzi

¹ Kwa mukubwa wa waimbaji. Kwa vyombo vyenye nyuzi. Zaburi ya Daudi.

² Usikie kilio changu, ee Mungu, usikilize maombi yangu.

³ Ninakulilia kutoka miisho ya dunia, nikikuwa nimevunjika moyo. Uniongoze juu kwenye mulima ambako siwezi kujifikisha.

⁴ Wewe ndiwe kimbilio langu, boma langu lenye nguvu la kukimbilia waadui.

⁵ Ninaomba nikae katika nyumba yako milele, nipate kukimbilia chini ya mabawa yako.

⁶ Ee Mungu, umesikia viapo vyangu, umenijalia sehemu yangu unayowapa wale wanaokuabudu.

⁷ Umujalie mufalme maisha marefu, miaka yake ikuwe ya vizazi vingi.

⁸ Atawale milele mbele yako, ee Mungu; wema na uaminifu wako vimulinde.

⁹ Hivyo nitakuimbia nyimbo za sifa, nikitimiza viapo vyangu kila siku.