Zaburi 6 - BIBLIA Maandiko Matakatifu Kwa Watu Wote 2002

Maombi wakati wa taabu

¹ Kutoka Mukubwa wa waimbaji: kwa vyombo vyenye nyuzi nane. Zaburi ya Daudi.

² Ee Yawe, usiniazibu kwa hasira yako, usiniadibishe kwa kasirani yako.

³ Unihurumie, ee Yawe, nimeishiwa nguvu; uniponyeshe, ee Yawe, ninatetemeka mpaka katika mifupa.

⁴ Ninahangaika sana ndani ya roho yangu. Ee Yawe, utakawia mpaka wakati gani?

⁵ Unigeukie, ee Yawe, uniokoe; uniponyeshe kwa sababu ya wema wako.

⁶ Huko kwa wafu hakuna anayekukumbuka; katika kuzimu ni nani anayeweza kukusifu?

⁷ Ninatabanika kwa kulia kwa uchungu; usiku ninalowanisha kitanda changu kwa machozi; kwa kulia kwangu ninalowanisha matandiko yangu.

⁸ Macho yangu yamechoka kwa huzuni; yamefifia kwa kutaabishwa na waadui.

⁹ Muondoke karibu nami, enyi wote watenda maovu! Maana Yawe amesikia kilio changu.

¹⁰ Yawe amesikia ombi langu; Yawe amekubali maombi yangu.

¹¹ Waadui zangu wote watafezeheka na kufazaika; watarudi nyuma na kufezeheka kwa rafla.