Zaburi 59 - BIBLIA Maandiko Matakatifu Kwa Watu Wote 2002

Kuomba ulinzi wa Mungu

¹ Kiebrania: Kwa mukubwa wa waimbaji: kwa mutindo wa wimbo “Usiharibu”. Mashairi ya Daudi wakati Saulo alipotuma wapelelezi wamwue.

² Ee Mungu wangu, uniokoe kutoka waadui zangu, unikinge na hao wanaonishambulia.

³ Uniokoe na hao wanaotenda maovu, Uniponyeshe kutoka hao wauaji!

⁴ Angalia! Wananivizia waniue. Watu wakali wanachochea ugomvi juu yangu ingawa sikufanya ubaya wowote.

⁵ Ingawa sina kosa, wanakimbia, ee Yawe, kujiweka tayari. Uinuke, ee Yawe, uwaangalie na kunisaidia!

⁶ Uinuke, ee Yawe, Mungu wa majeshi, Mungu wa Israeli. Uamuke, uwaazibu hao watu wasiokujua; usiwaache hao waasi na wabaya.

⁷ Kila magaribi waadui hao wanarudi wakifoka kama imbwa, na kuzungukazunguka katika muji.

⁸ Angalia, ni matusi tu yanayotoka katika midomo yao, maneno yao ni kama panga kali; tena wanafikiri hakuna anayewasikia.

⁹ Lakini wewe, ee Yawe, unawachekelea; unawazarau hao watu wasiokujua.

¹⁰ Nitakungojea, ewe unayekuwa nguvu yangu; maana wewe, ee Mungu, ni kimbilio langu.

¹¹ Mungu wangu mwema sana atakuwa mbele yangu, ataniwezesha kuwaona waadui zangu wameshindwa.

¹² Usiwaue mara moja, watu wangu wasisahau; uwasambazesambaze kwa nguvu yako, uwaporomoshe chini. Ee Bwana, wewe ndiwe ngao yetu!

¹³ Wao wanatenda zambi katika masemi yao yote, kwa hiyo wanaswe katika kiburi chao! Kwa sababu ya laana na uongo wao,

¹⁴ uwateketeze kwa hasira yako, uwateketeze watoweke kabisa, kusudi watu wote wajue mpaka kwa miisho ya dunia ya kuwa wewe Mungu unatawala wazao wa Yakobo.

¹⁵ Kila magaribi waadui hao wanarudi wakifoka kama imbwa, na kuzungukazunguka katika muji.

¹⁶ Wanapitapita huko na huko wakitafuta chakula, nao wasiposhiba wananguruma.

¹⁷ Lakini mimi nitaimba sifa za nguvu yako, nitashangilia asubui juu ya wema wako, maana wewe umekuwa kikingio changu, wewe ni kimbilio langu wakati wa taabu.

¹⁸ Ewe unayekuwa nguvu yangu, nitakuimbia sifa; ee Mungu, wewe ni kikingio changu, Mungu anayenitendea mema!