Zaburi 54 - BIBLIA Maandiko Matakatifu Kwa Watu Wote 2002

Maombi ya kujikinga na waadui

^1-2 Kwa mukubwa wa waimbaji: kwa vyombo vyenye nyuzi. Mashairi ya Daudi, yanayoelekea wakati mutu mumoja kutoka Zifu alipomwendea Saulo na kumujulisha kwamba Daudi amejificha kwao.

³ Ee Mungu, uniokoe kwa jina lako, unitetee kwa nguvu zako.

⁴ Ee Mungu, usikilize maombi yangu; uyategee sikio maneno ya kinywa changu.

⁵ Watu wenye kiburi wananishambulia, watu wakali wanawinda maisha yangu, watu ambao hawamujali Mungu.

⁶ Ninajua Mungu ni musaada wangu, Yawe anaimarisha maisha yangu.

⁷ Yeye atawaazibu waadui zangu kwa uovu wao wenyewe; kwa uaminifu wako, ee Mungu, uwaangamize.

⁸ Nitakutolea sadaka kwa moyo wa furaha; nitalisifu jina lako maana wewe ni muzuri.

⁹ Umeniokoa katika taabu zangu zote, nami nimewaona waadui zangu wameshindwa.