Zaburi 52 - BIBLIA Maandiko Matakatifu Kwa Watu Wote 2002

Hukumu ya Mungu

^1-2 Kwa mukubwa wa waimbaji. Mashairi ya Daudi yanayoelekea wakati Doegi wa Edomu alipomwendea Saulo na kumujulisha kwamba Daudi amemwendea Ahimeleki.

³ Mbona, ewe jitu, unajivunia mabaya unayotendea waaminifu.

⁴ Kila wakati unawaza maangamizi. Ulimi wako ni kama wembe mukali. Unafikiria tu kutenda mabaya.

⁵ Wewe unapenda ubaya kuliko uzuri, unapenda uongo kuliko ukweli.

⁶ Ewe mudanganyifu mukubwa, unapenda mambo ya kuangamiza wengine.

⁷ Kwa hiyo Mungu atakuangamiza milele, atakunyanyua na kukuondoa katika nyumba yako; atakuongoa katika inchi ya wenye kuishi.

⁸ Watu wa haki wataona, wataogopa, na kisha watakuchekelea na kusema:

⁹ “Muangalie yaliyomupata mutu huyu! Yeye hakutaka Mungu akuwe kimbilio lake, lakini alitegemea wingi wa mali yake, na kutafuta humo usalama wake!”

¹⁰ Lakini mimi ni kama muzeituni mubichi, unaostawi katika nyumba ya Mungu. Ninategemea wema wake milele na milele.

¹¹ Ee Mungu, nitakushukuru siku zote, kwa ajili ya mambo uliyofanya. Nitatangaza kwamba wewe ni muzuri, mbele ya watu wako waaminifu.