Zaburi 48 - BIBLIA Maandiko Matakatifu Kwa Watu Wote 2002

Sayuni, muji wa Mungu

¹ Zaburi ya Wakora.

² Yawe, ni mukubwa; anastahili kusifiwa sana katika muji wake, ndio mulima wake mutakatifu.

³ Sayuni, mulima wa Mungu, unapendeza kwa urefu; muji wa Mufalme mukubwa ni furaha ya ulimwengu.

⁴ Mungu analinda pango zake za kukimbilia; yeye anajulikana kuwa upango wake.

⁵ Wafalme walikusanyika, wakaenda pamoja kushambulia.

⁶ Lakini walipouona Sayuni, wakashangaa; wakashikwa na hofu na kukimbia.

⁷ Hofu kubwa iliwashika, wakasikia uchungu kama mama anayezaa,

⁸ kama vile wenye kurushwa na upepo mukali wa mashariki, ambao unavunjavunja mashua kubwa sana za Tarsisi.

⁹ Yote tuliyosikia tumejionea wenyewe katika muji wa Yawe wa majeshi, katika muji wa Mungu wetu: Mungu atauimarisha milele.

¹⁰ Ee Mungu, tunakumbuka wema wako tunapokuwa katika hekalu lako.

¹¹ Jina lako linasifiwa kila pahali, sifa zako zinaenea fasi zote katika dunia. Kwa mukono wako umetenda kwa haki.

¹² Watu wa Sayuni wafurahi! Watu wa Yuda washangilie, kwa sababu ya hukumu yako ya haki!

¹³ Mutembee huko Sayuni, muuzunguke, muihesabu minara yake.

¹⁴ Muangalie kuta zake na kuchunguza pango zake za kukimbilia, mupate kuelezea vizazi vitakavyokuja kwamba:

¹⁵ “Huyu ni Mungu, Mungu wetu milele! Atakuwa mwongozi wetu milele!”