Zaburi 46 - BIBLIA Maandiko Matakatifu Kwa Watu Wote 2002

Mungu yuko upande wetu

¹ Kwa mukubwa wa waimbaji. Zaburi ya Wakora: Kwa mutindo wa Sauti ya juu kabisa.

² Mungu ni kimbilio letu na nguvu yetu; yeye ni musaada wetu wakati wa taabu.

³ Kwa hiyo hatutaogopa kitu chochote, hata dunia ikiyeyuka na milima kutikisika kutoka bahari,

⁴ hata kama bahari ikichafuka na kutisha, na milima ikitetemeka kwa machafuko yake.

⁵ Kuna muto ambao maji yake yanafurahisha muji wa Mungu, makao matakatifu ya Mungu Mukubwa.

⁶ Mungu yuko katika muji huo, nao hauwezi kutikiswa; Mungu ataupatia musaada kila asubui.

⁷ Mataifa yanakasirika na falme zinatikisika; Mungu ananguruma, nayo dunia inayeyuka.

⁸ Yawe wa majeshi yuko pamoja nasi, Mungu wa Yakobo ni kimbilio letu.

⁹ Mukuje muone matendo ya Yawe. Muone maajabu aliyofanya katika dunia.

¹⁰ Anakomesha vita popote katika dunia. Anavunjavunja pinde na mikuki, nayo magari ya vita anayateketeza.

¹¹ Anasema: “Munyamaze na kujua kwamba mimi ni Mungu! Mimi ninatukuzwa katika mataifa yote; mimi ninatukuzwa katika ulimwengu wote!”

¹² Yawe wa majeshi yuko pamoja nasi, Mungu wa Yakobo ni kimbilio letu.