Zaburi 42 - BIBLIA Maandiko Matakatifu Kwa Watu Wote 2002

SEHEMU YA PILI (Zaburi 42–72 ) Maombi ya mukimbizi

¹ Kwa mukubwa wa waimbaji. Mashairi ya Wakora.

² Kama pongo anavyotamani maji ya kijito, ndivyo ninavyokutamani, ee Mungu wangu!

³ Ninasikia kiu ya Mungu, kiu ya Mungu Mwenye Uzima. Nitafika kwake wakati gani na kuuona uso wake?

⁴ Machozi ni chakula changu muchana na usiku; ninaambiwa kila siku: “Mungu wako yuko wapi?”

⁵ Katika huzuni yangu, ninakumbuka jinsi nilivyokwenda na kundi la watu na kuwaongoza kwenda katika nyumba ya Mungu wakipiga vigelegele vya shukrani, kundi la watu likifanya sherehe!

⁶ Mbona ninaugua hivyo katika moyo? Kwa nini ninahangaika hivyo ndani yangu? Nitamutumainia Mungu, maana nitamusifu tena yeye anayekuwa musaada wangu na Mungu wangu.

⁷ Roho yangu imeregea kabisa, kwa hiyo ninakukumbuka wewe, ee Mungu, kutoka katika eneo la Yordani, kutoka mulima Hermoni na Mizari.

⁸ Mafuriko juu ya mafuriko yananguruma, mawimbi na zoruba yako vinanifunika.

⁹ Yawe atanijalia wema wake muchana; nami nitamwimbia wimbo wa sifa usiku, nitamwomba Mungu anayenipa uzima.

¹⁰ Ninamwambia Mungu, yeye kikingio changu: “Kwa nini umenisahau? Kwa nini niende huko na huko nikiomboleza kwa kuteswa na adui yangu?”

¹¹ Nimepondekana kwa ajili ya matukano yao, wanaponiuliza kila siku: “Mungu wako, yupo wapi?”

¹² Mbona ninaugua hivyo katika moyo? Kwa nini ninahangaika hivyo ndani yangu? Nitamutumainia Mungu, maana nitamusifu tena Mungu, anayekuwa musaada wangu na Mungu wangu.