Zaburi 4 - BIBLIA Maandiko Matakatifu Kwa Watu Wote 2002

Kuomba musaada

¹ Kwa mukubwa wa waimbaji: kwa vyombo vyenye nyuzi. Zaburi ya Daudi.

² Ee Mungu, muteteaji wa haki yangu, unijibu ninapoomba. Nilipokuwa katika shida, wewe ulinisaidia; unionee huruma na kusikia maombi yangu.

³ Ninyi watu, mpaka wakati gani mutachafua jina langu? Mpaka wakati gani mutapendelea mambo ya ovyo na kusema uongo?

⁴ Mujue kwamba Yawe amejichagulia mutu wake wa haki. Yawe anasikia kila mara ninapomwomba.

⁵ Mukasirike lakini musitende zambi. Mufikiri katika vitanda vyenu na kunyamaza.

⁶ Mutoe sadaka zinazokuwa sawa, na kumutumainia Yawe.

⁷ Wengi wanasema: “Heri tungefanikiwa tena! Ee Yawe, utuangalie kwa wema!”

⁸ Lakini mimi umenijalia furaha kubwa ndani ya moyo, kuliko ya hao wanaokuwa na divai na ngano kwa wingi.

⁹ Ninalala na kupata usingizi kwa amani; wewe peke yako, ee Yawe, unaniweka salama.