Zaburi 37 - BIBLIA Maandiko Matakatifu Kwa Watu Wote 2002

Kufanikiwa kwa waovu kusikufazaishe

¹ Zaburi ya Daudi. Usihangaike kwa sababu ya waovu; usiwaonee wivu wanaotenda mabaya.

² Maana hao watatoweka mara moja kama nyasi; watanyauka kama majani.

³ Umutumainie Yawe na kutenda mazuri, upate kuishi katika inchi na kuwa salama.

⁴ Uitafute furaha yako kwa Yawe, naye atakujalia unayotamani katika moyo.

⁵ Umutolee Yawe maisha yako, umutumainie yeye, naye atakufanyia kitu.

⁶ Ataifanya haki yako iangae kama mwangaza wa jua muchana kati.

⁷ Tulia mbele ya Yawe, umungojee kwa uvumilivu; usihangaike juu ya wale wanaofanikiwa, ndio watu wanaojaliwa katika mipango yao mibaya.

⁸ Usiwake hasira wala kuwa na kasirani; usihangaike, maana hiyo inazidisha ubaya.

⁹ Watu wanaotenda mabaya wataangamizwa, lakini wanaomutumainia Yawe watarizi inchi.

¹⁰ Bado kidogo, mwovu atatoweka; utamutafuta pale alipokuwa, wala hautamwona.

¹¹ Lakini wapole watarizi inchi, hao wataifurahia amani kamili.

¹² Mwovu anamufanyia mutu wa haki shauri baya, na kumusagia meno kwa chuki.

¹³ Lakini Yawe anamuchekelea mwovu, kwa maana anajua mwisho wake ni karibu.

¹⁴ Waovu wanachomoa panga na kuvuta pinde zao, wapate kuwaua wamasikini na wakosefu; wawachinje watu wenye mwenendo sawa.

¹⁵ Lakini panga zao wenyewe zitawapenya mioyo, na pinde zao zitavunjwavunjwa.

¹⁶ Afazali mali kidogo ya mutu wa haki kuliko utajiri mwingi wa watu waovu.

¹⁷ Maana nguvu za waovu zitavunjwa, lakini Yawe atawaimarisha watu wa haki.

¹⁸ Yawe anatunza maisha ya watu wakamilifu, na urizi wao utadumu milele.

¹⁹ Hawatafezeheka nyakati mbaya zikiwafikia; siku za njaa watakuwa na chakula tele.

²⁰ Lakini waovu wataangamia, waadui za Yawe watanyauka kama maua katika jangwa; kweli watatoweka kama moshi.

²¹ Mutu mwovu anakopesha bila kurudisha; lakini mutu wa haki anatoa kwa moyo safi.

²² Waliobarikiwa na Yawe watarizi inchi, lakini waliolaaniwa naye wataongolewa.

²³ Yawe anaongoza mutu katika njia yake, anamulinda yule anayemupendeza.

²⁴ Hata akianguka, hatabaki chini, kwa sababu Yawe anamuimarisha.

²⁵ Nilikuwa kijana na sasa mimi ni muzee; hata kidogo sijaona mutu wa haki ameachwa na Mungu, au watoto wake wakiombaomba chakula.

²⁶ Siku zote yeye anakopesha kwa moyo safi, na watoto wake ni wenye baraka.

²⁷ Achana na uovu, utende mazuri, nawe utaishi katika inchi siku zote;

²⁸ maana Yawe anapenda haki, wala hawaachi waaminifu wake. Anawalinda hata milele; lakini wazao wa waovu wataangamizwa.

²⁹ Watu wa haki watarizi inchi, nao wataishi humo milele.

³⁰ Mutu wa haki anasema maneno ya hekima, kwa ulimi wake anasema kufuatana na sheria ya Mungu.

³¹ Sheria ya Mungu wake ni ndani ya moyo wake, naye hapiti pembeni katika mwenendo wake.

³² Mutu mwovu anamuvizia mutu wa haki, na kujaribu kumwua;

³³ lakini Yawe hatamutoa mutu wa haki katika makucha yake, wala kumwachilia aazibiwe anaposhitakiwa.

³⁴ Umutumainie Yawe na kushika njia yake, naye atakuinua uirizi inchi, na kuwaona waovu wakiongolewa.

³⁵ Nilimwona mwovu aliyejivuna sana, akinyanyua shingo juu kama mierezi ya Lebanoni!

³⁶ Kisha nikapita pale, naye hakukuwa tena; nikamutafuta, lakini hakuonekana tena.

³⁷ Muangalie mutu mukamilifu, mutu wa usawa; mutu anayependa amani anajaliwa wazao.

³⁸ Lakini wakosaji wote wataangamizwa; na wazao wao wataongolewa.

³⁹ Yawe anawaokoa watu wa haki, na kuwalinda wakati wa taabu.

⁴⁰ Yawe anawasaidia na kuwaokoa; anawaopoa kutoka makucha ya waovu na kuwaokoa, maana wanakimbilia kwake.