Zaburi 34 - BIBLIA Maandiko Matakatifu Kwa Watu Wote 2002

Sifa kwa ajili ya wema wa Mungu

¹ Kwa mukubwa wa waimbaji. Zaburi ya Daudi alipojifanya mwenda-wazimu mbele ya mufalme Abimeleki naye akamufukuza na Daudi akajiendea.

² Nitamutukuza Yawe nyakati zote, sitaacha hata kidogo kutaja sifa zake.

³ Mimi nitajisifu kwa ajili ya Yawe; wanyenyekevu wasikie na kufurahi.

⁴ Mumutukuze Yawe pamoja nami, wote pamoja tulisifu jina lake.

⁵ Nilimwomba Yawe, naye akanijibu, na kuniondoa katika hofu zangu zote.

⁶ Mumugeukie Mungu mupate kufurahi; nanyi hamutafezeheka hata kidogo.

⁷ Masikini alimulilia Yawe, naye akamusikia, na kumwokoa katika taabu zake zote.

⁸ Malaika wa Yawe anawalinda wote wanaomwabudu, na kuwaokoa kutoka katika hatari.

⁹ Mupime muone jinsi Yawe ni muzuri. Heri mutu anayekimbilia kwake.

¹⁰ Mumwabudu Yawe, enyi watakatifu wake, maana wenye kumwabudu hawakosewi kitu.

¹¹ Hata simba wakali wanakosewa na kusikia njaa, lakini wanaomutafuta Yawe hawakosewi chochote kizuri.

¹² Mukuje, enyi vijana munisikilize, nami nitawafundisha kumwabudu Yawe.

¹³ Unatamani kufurahia maisha, kuishi maisha marefu na kufurahia mazuri?

¹⁴ Basi, uache kusema mabaya, na kuepuka kusema uongo.

¹⁵ Ujiepushe na uovu, utende mazuri; utafute amani na kuifuatilia.

¹⁶ Yawe anawaangalia watu wa haki, na kusikiliza malalamiko yao;

¹⁷ lakini anawapinga watu wanaotenda maovu, kusudi afute majina yao kutoka katika dunia.

¹⁸ Watu wa haki wakimulilia Yawe, yeye anawasikia, na kuwaokoa katika taabu zao zote.

¹⁹ Yawe ni karibu na wenye kuvunjika moyo; anawaokoa wote waliokata tamaa kabisa.

²⁰ Mateso ya mutu wa haki ni mengi, lakini Yawe anamwokoa kutoka katika yote.

²¹ Analinda viungo vya mwili wake wote, hakuna hata mufupa wake mumoja utakaovunjwa.

²² Ubaya unawaletea waovu kifo; wanaowachukia watu wa haki wataazibiwa.

²³ Yawe anaokoa maisha ya watumishi wake, wote wanaomukimbilia hawataazibiwa.