Zaburi 30 - BIBLIA Maandiko Matakatifu Kwa Watu Wote 2002

Maombi ya shukrani

¹ Mashairi yanayoelekea muzinduo wa hekalu. Zaburi ya Daudi.

² Ninakutukuza, ee Yawe, maana umeniokoa, wala haukuwaacha waadui zangu wanisimange.

³ Ee Yawe, Mungu wangu, nilikulilia, nawe ukaniponyesha.

⁴ Ee Yawe, umeniokoa kutoka kuzimu; umenipa tena uzima, umenitoa kutoka kati ya wafu.

⁵ Mumwimbie Yawe sifa, enyi waaminifu wake; mukumbuke utakatifu wake na kumushukuru.

⁶ Hasira yake inadumu muda kidogo tu, upendo wake unadumu milele. Kilio kinaweza kuwa usiku, lakini muchana kunatokea furaha.

⁷ Mimi nilipofanikiwa, nilisema: “Sitashindwa hata kidogo!

⁸ Kwa upendo wako, ee Yawe, umeniimarisha kama mulima mukubwa.” Lakini ukajificha mbali nami, nami nikafazaika.

⁹ Nilikulilia wewe, ee Yawe; nilikusihi, ee Yawe:

¹⁰ “Utapata faida gani nikikufa na kushuka mpaka katika shimo la wafu? Mavumbi ya wafu yanaweza kukusifu? Yanaweza kusimulia uaminifu wako?

¹¹ Usikie, ee Yawe, unihurumie; ee Yawe, unisaidie!”

¹² Wewe umegeuza malalamiko yangu kuwa ngoma ya furaha; umeniondolea huzuni yangu, ukanijaza furaha.

¹³ Mimi nitakusifu wala sitakaa kimya. Ee Yawe, Mungu wangu, nitakushukuru milele.