Zaburi 3 - BIBLIA Maandiko Matakatifu Kwa Watu Wote 2002

Kuomba musaada Furaha ya kweli

¹ Zaburi ya Daudi. Inaelekea wakati alipomukimbia mwana wake Abusaloma.

² Ee Yawe, angalia ginsi waadui zangu wanavyokuwa wengi. Ni wengi sana hao wanaonishambulia.

³ Wengi wanasema juu yangu: “Hautapata musaada wowote kwa Mungu.”

⁴ Lakini wewe, ee Yawe, unanizunguka kama ngao; kwako ninapata utukufu na ushindi.

⁵ Ninakulilia kwa sauti, ee Mungu, nawe unanisikiliza kutoka kwenye mulima wako mutakatifu.

⁶ Ninalala na kupata usingizi, ninaamuka tena, maana wewe ni tegemeo langu.

⁷ Sitaogopa maelfu ya watu wanaonizunguka kila upande.

⁸ Ee Yawe, ee Mungu wangu, wewe unayevunja waadui zangu wote mataya, unayeponda waovu meno, simama sasa uniokoe!

⁹ Yawe ndiwe unayeokoa; uwape baraka watu wako.