Zaburi 27 - BIBLIA Maandiko Matakatifu Kwa Watu Wote 2002

Kwa Mungu kuna usalama

¹ Zaburi ya Daudi. Yawe ni mwangaza wangu na wokovu wangu, ni nani nitakayemwogopa? Yawe ni mulinzi wa maisha yangu, sitamwogopa mutu yeyote.

² Waovu wakinishambulia, na kutaka kuniangamiza, hao wapinzani wangu watajikwaa na kuanguka.

³ Hata jeshi likinizunguka, moyo wangu hautaogopa kitu; hata nikishambuliwa kwa vita, sitakata tumaini.

⁴ Jambo moja nimemwomba Yawe, ninatafuta hili tu: nikae ndani ya nyumba ya Yawe siku zote za maisha yangu, niuone uzuri wa Yawe, na kutafuta maongozi yake ndani ya hekalu lake.

⁵ Siku ya taabu atanificha ndani ya nyumba yake; atanificha katika hema lake, atanilinda salama juu ya mulima.

⁶ Nami nitawaangalia kwa majivuno waadui zangu wanaonizunguka. Nitamutolea Yawe sadaka kwa shangwe, ndani ya hekalu lake, nitaimba na kumushangilia.

Musaada unapatikana kwa Mungu

⁷ Usikie, ee Yawe, ninapokulilia, unionee huruma na kunijibu.

⁸ Moyo wangu unaniambia: “Kuja umutafute Mungu!” Basi, ninakutafuta, ee Yawe.

⁹ Usinigeuzie mugongo, usinikatae kwa hasira mimi mutumishi wako. Wewe umekuwa siku zote musaada wangu. Usinitupe wala usiniachilie, ee Mungu Mwokozi wangu.

¹⁰ Hata kama wazazi wangu wakinitupa, Yawe atanipokea kwake.

¹¹ Unifundishe njia yako, ee Yawe. Uniongoze katika njia inayokuwa sawa kwa sababu ya waadui zangu.

¹² Usiniache waadui wanitendee wanavyopenda; maana washuhuda wa uongo wananiinukia, nao wanatoa vitisho vyao vikali.

¹³ Ninaamini kwamba nitauona uzuri wa Yawe katika makao ya wazima.

¹⁴ Umutegemee Yawe! Ujitie moyo, ukuwe hodari! Umutegemee Yawe!