Zaburi 26 - BIBLIA Maandiko Matakatifu Kwa Watu Wote 2002

Maombi ya mutu mwema

¹ Zaburi ya Daudi. Ee Yawe, unitetee, maana nimeishi katika ukamilifu, nimekutumainia wewe bila kusita.

² Unijaribu, ee Yawe, na kunipima; uchunguze moyo wangu na akili yangu.

³ Wema wako uko mbele ya macho yangu, ninaishi kutokana na uaminifu wako.

⁴ Sikusanyiki na watu wapotovu; sishirikiani na watu wanafiki.

⁵ Ninachukia mikutano ya wabaya; wala sitakusanyika na waovu.

⁶ Ninanawa mikono yangu kuonyesha kama sina kosa, na kuizunguka mazabahu yako, ee Yawe,

⁷ nikiimba wimbo wa shukrani, na kueleza matendo yako ya ajabu.

⁸ Ee Yawe, ninapenda makao yako, pahali utukufu wako unapokaa.

⁹ Usiniangamize pamoja na wenye zambi, wala usinitupe pamoja na wauaji,

¹⁰ watu ambao matendo yao ni maovu kila wakati, watu ambao wanapokea kituliro kila wakati.

¹¹ Lakini mimi ninaishi katika ukamilifu; unihurumie na kunikomboa.

¹² Mimi nimesimama pahali penye kuwa imara; nitamusifu Yawe katika kusanyiko kubwa.