Zaburi 24 - BIBLIA Maandiko Matakatifu Kwa Watu Wote 2002

Mufalme Mukubwa

¹ Zaburi ya Daudi. Dunia na vyote vinavyokuwa ndani yake ni vya Yawe; ulimwengu na wote wanaoishi ndani yake ni mali yake.

² Maana yeye aliweka misingi ya dunia juu ya bahari; aliisimika imara juu ya maji mengi.

³ Nani atakayepanda kwa mulima wa Yawe? Nani atakayekaa katika hekalu lake takatifu?

⁴ Ni mutu wa matendo mema na moyo safi, asiyefuata mambo ya ovyo, wala kuapa kwa uongo.

⁵ Mutu huyo atapokea baraka kwa Yawe, na haki yake kwa Mungu mwokozi wake.

⁶ Ndiyo hali ya kizazi cha watu wanaomutafuta yeye, watu wanaomutafuta Mungu wa Yakobo.

⁷ Mufunguke, enyi milango; mufunguke, enyi milango ya tangia zamani, kusudi Mufalme mwenye utukufu aingie.

⁸ Ni nani huyo Mufalme mwenye utukufu? Ni Yawe, mwenye nguvu na uwezo; Yawe, mwenye uwezo katika vita.

⁹ Mufunguke, enyi milango, mufunguke, enyi milango ya tangia zamani, kusudi Mufalme mwenye utukufu aingie.

¹⁰ Ni nani huyo Mufalme mwenye utukufu? Ni Yawe, wa majeshi, yeye ndiye Mufalme mwenye utukufu.