Zaburi 20 - BIBLIA Maandiko Matakatifu Kwa Watu Wote 2002

Kuomba ushindi

¹ Kwa mukubwa wa waimbaji. Zaburi ya Daudi.

² Yawe akujibu unapokuwa katika taabu; jina la Mungu wa Yakobo likulinde.

³ Akupelekee musaada kutoka katika hekalu lake; akukinge tokea kwenye mulima Sayuni.

⁴ Akumbuke sadaka zako zote; akubali sadaka zako za kuteketezwa.

⁵ Akujalie unayotamani ndani ya moyo wako, afanikishe mipango yako yote.

⁶ Tutashangilia kwa ajili ya ushindi wako; tutainua bendera kwa kutukuza jina la Mungu wetu. Yawe akutimizie mapenzi yako yote!

⁷ Ninajua Yawe atamusaidia mufalme aliyemuchagua, atamujibu tokea pahali pake patakatifu mbinguni; kwa mukono wake wenye nguvu atamujalia ushindi mukubwa.

⁸ Wamoja wanajivunia magari ya vita, wengine farasi wao. Lakini sisi tunajivunia Yawe, Mungu wetu.

⁹ Hao wanajikwaa na kuanguka; lakini sisi tunasimama na kuimarika.

¹⁰ Ee Yawe, umujalie mufalme ushindi, utujibu wakati tunapokuomba.