Zaburi 2 - BIBLIA Maandiko Matakatifu Kwa Watu Wote 2002

Mufalme muchaguliwa wa Mungu

¹ Kwa nini mataifa yanafanya fujo? Mbona watu wanafanya shauri la bure?

² Wafalme wa dunia wanajitayarisha, watawala wanashauriana pamoja kumwasi Yawe na muchaguliwa wake.

³ Wanasema: “Tujiondoe katika utawala wao; tutupilie mbali minyororo yao!”

⁴ Yule anayetawala juu mbinguni anawachekelea na kuwazarau.

⁵ Kisha, anawakaripia kwa kasirani na kuwatisha kwa hasira, akisema:

⁶ “Nimemusimika mufalme niliyemuchagua; anatawala Sayuni, mulima wangu mutakatifu!”

⁷ Mufalme anasema: “Nitatangaza amri ya Yawe. Mungu aliniambia: ‘Wewe ni mwana wangu, mimi leo nimekuwa baba yako.

⁸ Uniombe nami nitakupa mataifa kuwa urizi wako, na dunia nzima kuwa mali yako.

⁹ Utawaponda kwa fimbo ya chuma, utawavunja kama chungu cha mufinyanzi!’ ”

¹⁰ Sasa, enyi wafalme, mutumie akili; musikilize onyo hili, enyi watawala wa dunia.

^11-12 Mumutumikie Yawe kwa woga; muiname mbele ya mwana wake na kutetemeka, kusudi asikasirike, nanyi musiangamie kwa rafla; kwa maana hasira yake inawaka haraka. Heri wote wanaokimbilia kwake!