Zaburi 19 - BIBLIA Maandiko Matakatifu Kwa Watu Wote 2002

Utukufu wa Mungu katika viumbe

¹ Kwa mukubwa wa waimbaji. Zaburi ya Daudi.

² Mbingu zinatangaza utukufu wa Mungu; anga linaeleza kazi ya mikono yake.

³ Muchana unaupasha habari muchana unaofuata, usiku unaufahamisha usiku unaofuata.

⁴ Si kwa musemo au kwa maneno; wala hakuna sauti inayosikilika;

⁵ hata hivyo, ujumbe wao unaenea katika dunia yote, na habari zao zinafika miisho ya ulimwengu. Mungu amewekea jua makao yake katika anga;

⁶ nalo linatoka kama vile bwana-arusi kutoka chumba chake, linakimbia kwa furaha katika njia yake kama shujaa.

⁷ Linatokea kwa upande mumoja, na kuzunguka mpaka upande mwingine; hakuna kinachoweza kuepuka joto lake.

Sheria ya Mungu

⁸ Sheria ya Yawe ni kamilifu; inamupa mutu uzima mupya. Maagizo ya Yawe ni ya kuaminiwa; yanawapa wajinga hekima.

⁹ Kanuni za Yawe ni sawa; zinafurahisha moyo. Amri za Yawe ni safi; zinamufungua mutu macho.

¹⁰ Kumutii Yawe ni jambo jema; kunadumu milele. Maagizo ya Yawe ni sawa, yote ni ya haki kabisa.

¹¹ Yanatamanika kuliko zahabu, kuliko zahabu safi kabisa. Ni matamu kuliko asali, kuliko asali safi kabisa.

¹² Yananifundisha mimi mutumishi wako; kuyafuata kunaniletea zawadi kubwa.

¹³ Lakini nani anayeona makosa yake mwenyewe? Ee Mungu, unisamehe makosa nisiyoyajua.

¹⁴ Unikinge mimi mutumishi wako na makosa ya makusudi, usikubali hayo yanitawale. Hapo nitakuwa mukamilifu, wala sitakuwa na kosa kubwa.

¹⁵ Maneno ya kinywa changu, na mawazo ya moyo wangu, yakubalike mbele yako, ee Yawe, kikingio changu na mwokozi wangu!