Zaburi 16 - BIBLIA Maandiko Matakatifu Kwa Watu Wote 2002

Kuomba usalama

¹ Mashairi ya Daudi. Unilinde, ee Mungu, maana ninakimbilia kwako.

² Ninamwambia Mungu: “Wewe ni Bwana wangu; sina uheri wowote isipokuwa wewe.”

³ Na juu ya waaminifu katika inchi, ninaheshimu nguvu zao.

⁴ Lakini wanaoabudu miungu mingine, watapata mateso mengi. Sitaitolea sadaka za damu hata kidogo, na majina ya miungu hiyo sitayataja.

⁵ Wewe, ee Yawe, ndiwe riziki yangu kubwa, majaliwa yangu yako katika mikono yako.

⁶ Umenipimia sehemu nzuri sana; urizi wangu ni wa kupendeza.

⁷ Ninamusifu Yawe anayeniongoza. Usiku zamiri yangu inanifundisha.

⁸ Siku zote Yawe ni mbele yangu; yeye yuko pamoja nami, wala sitatikisika.

⁹ Kwa hiyo nitafurahi kwa moyo wote na kushangilia, nami nitakaa salama kabisa.

¹⁰ Kweli wewe unanikinga na nguvu za kuzimu, haumwachi mutakatifu wako aone kaburi.

¹¹ Unanionyesha njia ya kufikia uzima. Kuwa mbele yako ni kujazwa furaha, kuwa kwa kuume kwako kunapendeza milele.