Zaburi 149 - BIBLIA Maandiko Matakatifu Kwa Watu Wote 2002

Wimbo wa sifa juu ya ushindi

¹ Haleluia! Mumwimbie Yawe wimbo mupya; mumusifu katika kusanyiko la waaminifu!

² Umufurahie Muumba wako, ee Israeli; ninyi wakaaji wa Sayuni, mumushangilie mufalme wenu.

³ Mulisifu jina lake mukicheza, mumwimbie kwa ngoma na zeze.

⁴ Maana Yawe anapendezwa na watu wake; yeye anawaheshimisha wanyenyekevu kwa kuwapa ushindi.

⁵ Waaminifu wafurahi, wakitukuza Mungu, hata wanapolala.

⁶ Wamusifu Mungu kwa sauti kubwa, wakishika panga zenye kukata pande mbili,

⁷ wawalipize mataifa kisasi, wawaazibu watu;

⁸ wawafunge wafalme wao kwa minyororo, nao waongozi wao kwa vifungio vya chuma,

⁹ kusudi wawaazibu sawa ilivyoamuriwa! Na huu ndio utukufu wa waaminifu wa Mungu. Haleluia!