Zaburi 148 - BIBLIA Maandiko Matakatifu Kwa Watu Wote 2002

Ulimwengu wote umusifu Mungu

¹ Haleluia! Mumusifu Yawe kutoka mbinguni, mumusifu kutoka huko juu mbinguni.

² Mumusifu enyi wamalaika wake wote, mumusifu enyi jeshi lake lote.

³ Mumusifu enyi jua na mwezi, mumusifu enyi nyota zote zinazoangaza.

⁴ Mumusifu enyi mbingu za juu, na maji yanayokuwa juu ya mbingu.

⁵ Vyote visifu jina la Yawe, maana yeye aliamuru, na vyote vikakuwa.

⁶ Yeye aliviweka nafasi yao kwa milele, kwa amri ambayo haiwezi kuvunjika.

⁷ Mumusifu Yawe tokea katika dunia; enyi nyoka wakubwa wa bahari na mashimo ya bahari, mumusifu.

⁸ Mumusifu, enyi moto, mvua ya mawe na teluji, upepo wenye zoruba unaotimiza amri yake!

⁹ Mumusifu, enyi milima na vilima, miti ya matunda na ya mierezi!

¹⁰ Mumusifu, enyi nyama wa pori na wa kufugwa, viumbe vinavyotambaa na ndege wote!

¹¹ Mumusifu, enyi wafalme na mataifa yote; waongozi na watawala wote katika dunia!

¹² Mumusifu, enyi vijana wanaume na wabinti; wazee wote na watoto!

¹³ Wote musifu jina la Yawe, maana jina lake peke yake linatukuzwa; utukufu wake unapita dunia na mbingu.

¹⁴ Amewapa watu wake nguvu; nayo heshima kwa watu wote waaminifu, ndio watu wa Israeli wapendwa wake. Haleluia!