Zaburi 143 - BIBLIA Maandiko Matakatifu Kwa Watu Wote 2002

Kuomba musaada

¹ Zaburi ya Daudi. Usikie maombi yangu, ee Yawe! Ulitegee ombi langu sikio, maana wewe ni mwaminifu; unijibu kwa sababu ya haki yako.

² Usinitie katika hukumu mimi mutumishi wako, maana hakuna yeyote anayekuwa mwenye haki mbele yako.

³ Waadui zangu wamenifuatilia, wameniangusha chini kabisa, wameniikalisha katika giza kama mutu aliyekufa zamani.

⁴ Roho yangu imeregea kabisa; moyo wangu unaugua.

⁵ Ninakumbuka siku za zamani, ninafikiri juu ya yote uliyotenda, ninawazawaza matendo yako.

⁶ Ninakunyooshea mikono yangu. Ninakuhitaji wewe, kama inchi kavu inavyohitaji mvua.

⁷ Ee Yawe, unijibu haraka; maana roho yangu imeregea kabisa! Usinigeuzie mugongo, kusudi nisikuwe kama wale wanaoshuka katika shimo la wafu.

⁸ Kila asubui unionyeshe wema wako, maana ninakutumainia. Unifundishe mwenendo wa kufuata, maana ninakutolea moyo wangu.

⁹ Uniokoe, ee Yawe, kutoka waadui zangu, maana ninakimbilia kwako.

¹⁰ Unifundishe kutimiza mapenzi yako, maana wewe ni Mungu wangu! Roho wako muzuri aniongoze katika njia sawa.

¹¹ Ulinde uzima wangu, ee Yawe, kwa ajili ya jina lako, uniondoe katika taabu, kwa ajili ya haki yako.

¹² Kwa ajili ya wema wako uwakomeshe waadui zangu, uwaangamize wote wanaonitesa, maana mimi ni mutumishi wako.