Zaburi 137 - BIBLIA Maandiko Matakatifu Kwa Watu Wote 2002

Maombolezo katika inchi ya kigeni

¹ kandokando ya mito ya Babeli tuliikaa tukilia, tulipokumbuka Sayuni.

² Katika miti ya inchi ile, tulitundika zeze zetu.

³ Waliotupeleka kuwa watumwa walitaka tuwaimbie; watesaji wetu walitaka tuwafurahishe, wakituambia: “Mutuimbie nyimbo zimoja za Sayuni!”

⁴ Namna gani tunaweza kuimba wimbo wa Yawe katika inchi ya kigeni?

⁵ Ee Yerusalema, kama nikikusahau, mukono wangu wa kuume ukauke!

⁶ Ulimi wangu ukuwe muzito, kama nisipokukumbuka wewe, ee Yerusalema, nisipokufurahia kuliko furaha yangu kubwa!

⁷ Ee Yawe, usisahau mambo Waedomu waliyotenda, siku ile Yerusalema iliponyanganywa; kumbuka maneno haya waliyosema: “Mubomoe Yerusalema! Muongoe hata na misingi yake!”

⁸ Ee Babeli, muharibifu wee! Heri yule atakayekulipiza mabaya uliyotutendea!

⁹ Heri yule atakayetwaa watoto wako na kuwapondaponda juu ya jiwe!