Zaburi 136 - BIBLIA Maandiko Matakatifu Kwa Watu Wote 2002

Wimbo wa shukrani

¹ Mumushukuru Yawe kwa sababu yeye ni muzuri! Wema wake unadumu milele!

² Mumushukuru Mungu wa miungu. Wema wake unadumu milele.

³ Mumushukuru Bwana wa wabwana. Wema wake unadumu milele.

⁴ Yeye peke yake anatenda miujiza mikubwa. Wema wake unadumu milele.

⁵ Aliumba mbingu kwa hekima. Wema wake unadumu milele.

⁶ Alitengeneza inchi juu ya vilindi vya maji. Wema wake unadumu milele.

⁷ Aliumba jua, mwezi na nyota. Wema wake unadumu milele.

⁸ Aliumba jua litawale muchana. Wema wake unadumu milele.

⁹ Aliumba mwezi na nyota vitawale usiku. Wema wake unadumu milele.

¹⁰ Aliwaua wazaliwa wa kwanza wa Misri. Wema wake unadumu milele.

¹¹ Akawaondoa watu wa Israeli kutoka huko. Wema wake unadumu milele.

¹² Akawaondoa kwa mukono wake wenye nguvu na mamlaka. Wema wake unadumu milele.

¹³ Aligawanya bahari Nyekundu katika sehemu mbili. Wema wake unadumu milele.

¹⁴ Akawapitisha watu wa Israeli humo. Wema wake unadumu milele.

¹⁵ Lakini akazamisha mufalme wa Misri na waaskari wake humo. Wema wake unadumu milele.

¹⁶ Aliongoza watu wake katika jangwa. Wema wake unadumu milele.

¹⁷ Alipiga wafalme wenye nguvu. Wema wake unadumu milele.

¹⁸ Akaua wafalme wenye utukufu. Wema wake unadumu milele.

¹⁹ Akamwua Sihoni, mufalme wa Waamori. Wema wake unadumu milele.

²⁰ Akamwua Ogi, mufalme wa Basani. Wema wake unadumu milele.

²¹ Akakamata inchi zao kuwa urizi wa watu wake. Wema wake unadumu milele.

²² Ni urizi wa Israeli, mutumishi wake. Wema wake unadumu milele.

²³ Alitukumbuka wakati wa uzaifu wetu. Wema wake unadumu milele.

²⁴ Akatuokoa kutoka waadui zetu. Wema wake unadumu milele.

²⁵ Anapatia kila kiumbe chenye uzima chakula. Wema wake unadumu milele.

²⁶ Mumushukuru Mungu wa mbinguni. Wema wake unadumu milele!