Zaburi 130 - BIBLIA Maandiko Matakatifu Kwa Watu Wote 2002

Kuomba musaada

¹ Wimbo wa safari za kidini. Tokea humu katika taabu inayonilemea, ninakulilia, ee Yawe.

² Ee Bwana, usikie sauti yangu, ulitegee ombi langu sikio.

³ Ee Yawe, kama ungekumbuka maovu yetu, nani, ee Bwana wetu, angeweza kuishi?

⁴ Lakini kwako tunapata usamehe, kusudi sisi tukuheshimu.

⁵ Ninamutumainia Yawe kwa moyo wangu wote. Ninaaminia sana neno lake.

⁶ Ninamungojea Yawe kuliko vile wazamu wanavyongojea mapambazuko, ndiyo, kuliko vile wazamu wanavyongojea mapambazuko.

⁷ Ee Israeli, umutumainie Yawe, maana Yawe ni mwenye wema, naye ana nguvu kubwa ya kutukomboa.

⁸ Yeye atawakomboa watu wa Israeli kutoka katika maovu yao yote.