Zaburi 127 - BIBLIA Maandiko Matakatifu Kwa Watu Wote 2002

Bila Mungu kazi ya mwanadamu haifai kitu

¹ Wimbo wa safari za kidini: wa Solomono. Yawe asipoijenga nyumba, wanaoijenga wanajisumbua bure. Yawe asipoulinda muji, wanaoulinda wanakesha bure.

² Munajisumbua bure kuamuka asubui mapema na kuchelewa kwenda kupumzika magaribi, mujipatie chakula kwa jasho lenu. Mungu anatimiza mahitaji ya wapendwa wake hata wanapolala.

³ Watoto ni urizi kutoka kwa Yawe; uzao ni zawadi yake kwetu sisi.

⁴ Watoto wanaokuwa na nguvu, ni kama mishale katika mikono ya askari.

⁵ Heri mutu anayekuwa na mishale hiyo kwa wingi. Hatashindwa atakaposamba na waadui zake kwenye tribinali.