Zaburi 124 - BIBLIA Maandiko Matakatifu Kwa Watu Wote 2002

Mungu ni mulinzi wetu

¹ Wimbo wa safari za kidini. Ninyi wote munaokuwa katika Israeli museme: “Kama Yawe asingalikuwa upande wetu”.

² “Kama Yawe asingalikuwa upande wetu, wakati ule tuliposhambuliwa na waadui,

³ hakika tungalimezwa tukikuwa wazima, wakati hasira yao ilipowaka juu yetu.

⁴ Tungalichukuliwa na maji mengi, tungalifunikwa na muto.

⁵ Tungalizamishwa na maporomoko ya maji!”

⁶ Yawe atukuzwe! Hakutuachilia katika meno yao.

⁷ Tumeponyoka kama ndege katika mutego; mutego umefyatuka, nasi tukaponyoka.

⁸ Musaada wetu unatoka kwa Yawe, aliyeumba mbingu na dunia.