Zaburi 122 - BIBLIA Maandiko Matakatifu Kwa Watu Wote 2002

Sifa za Yerusalema

¹ Wimbo wa Safari za kidini. Wa Daudi. Nilifurahi waliponiambia: “Twende kwenye nyumba ya Yawe.”

² Sasa tuko tumesimama kwenye milango yako, ee Yerusalema!

³ Yerusalema ni muji uliojengwa kusudi makundi ya watu yakutane humo.

⁴ Humo ndimo makabila yanamofika, ndiyo, makabila ya Yawe, kwa kumushukuru Yawe kama Waisraeli walivyoagiza.

⁵ Humo kulikuwa viti vya kifalme kwa kuamua maneno, ndivyo viti vya ukoo wa Daudi.

⁶ Muuombee Yerusalema amani mukisema: “Wote wanaokupenda wakae katika amani!

⁷ Ndani ya kuta zinazokuzunguka kuwe amani, nao usalama ukuwe ndani ya nyumba zako nzuri!”

⁸ Kwa ajili ya jamaa na wandugu zangu, ee Yerusalema, ninakutakia amani!

⁹ Kwa ajili ya nyumba ya Yawe, Mungu wetu, ninakuombea upate uheri!