Zaburi 121 - BIBLIA Maandiko Matakatifu Kwa Watu Wote 2002

Mungu ni mulinzi wetu

¹ Wimbo wa safari za kidini. Ninainua macho kwenye milima. Musaada wangu unatoka wapi?

² Musaada wangu unatoka kwa Yawe, aliyeumba mbingu na dunia.

³ Hatakuacha uanguke; mulinzi wako hasinzii.

⁴ Kweli mulinzi wa Israeli hasinzii wala halali.

⁵ Yawe ni mulinzi wako; yuko upande wako wa kuume kwa kukukinga.

⁶ Muchana jua halitakuchoma, wala mwezi hautakuzuru usiku.

⁷ Yawe atakukinga na uovu wote; atayalinda salama maisha yako.

⁸ Yawe atakulinda katika shuguli zako zote tangu sasa na hata milele.