Zaburi 114 - BIBLIA Maandiko Matakatifu Kwa Watu Wote 2002

Mungu na watu wake

¹ Watu wa Israeli walipotoka Misri, wazao wa Yakobo walipotoka katika inchi ya kigeni,

² Yuda ikakuwa makao ya Mungu, Israeli ikakuwa urizi wake.

³ Bahari iliona hayo ikakimbia; muto Yordani ukaacha kutiririka!

⁴ Milima ilirukaruka kama kondoo dume; vilima vikaruka kama wana-kondoo!

⁵ Ee bahari, nini iliyokufikia hata ukakimbia? Nawe Yordani, kwa nini uliacha kutiririka?

⁶ Enyi milima, mbona muliruka kama kondoo dume? Nanyi vilima, namna gani mumeruka kama mwana-kondoo?

⁷ Utetemeke, ee dunia, mbele ya Yawe; utetemeke mbele ya Mungu wa Yakobo,

⁸ anayegeuza jiwe kubwa kuwa ziwa, nalo jiwe gumu kuwa chemichemi za maji!