Zaburi 111 - BIBLIA Maandiko Matakatifu Kwa Watu Wote 2002

Mungu anasifiwa kwa matendo yake

¹ Haleluia! Nitamushukuru Yawe kwa moyo wangu wote, katika mukutano wa watu wa usawa.

² Matendo ya Yawe ni makubwa sana! Wote wanaoyafurahia wanayachunguza.

³ Kila anachofanya kimejaa utukufu na heshima; haki yake inadumu milele.

⁴ Amesababisha matendo yake ya ajabu yakumbukwe; Yawe ni mwenye huruma na rehema.

⁵ Anawapa chakula wenye kumwabudu; hasahau hata kidogo agano lake.

⁶ Amewaonyesha watu wake nguvu ya matendo yake, amewapa inchi za mataifa mengine zikuwe mali yao.

⁷ Matendo yake ni ya haki na ya kuaminika; kanuni zake zote ni za kutegemewa siku zote.

⁸ Amri zake zinadumu milele; zimetolewa kwa uaminifu na usawa.

⁹ Aliwakomboa watu wake na kufanya nao agano la milele. Yeye ni mutakatifu na wa kutisha sana!

¹⁰ Kumwogopa Yawe ni musingi wa hekima; wote wanaotii amri zake wanajaliwa akili. Sifa zake zinadumu milele.