Zaburi 11 - BIBLIA Maandiko Matakatifu Kwa Watu Wote 2002

Kumutumainia Mungu

¹ Kwa mukubwa wa waimbaji. Zaburi ya Daudi. Yawe ni kimbilio langu; namna gani basi munaweza kuniambia: “Ruka kama ndege, mpaka kwenye milima,

² maana waovu wanavuta pinde; wameweka mishale tayari juu ya kamba, kusudi wawapige mishale watu wenye moyo wa usawa katika giza!

³ Kama misingi ikiharibiwa, mutu wa haki atafanya nini?”

⁴ Yawe yuko katika hekalu lake takatifu; kiti cha kifalme cha Yawe kiko mbinguni. Kwa macho yake anawachungulia wanadamu, na kujua kila kitu wanachofanya.

⁵ Yawe anawapima watu wa haki na waovu; anawachukia wanaopenda kutesa kwa ukali.

⁶ Atawanyeshea waovu makaa ya moto na kiberiti; upepo mukali utakuwa ndio azabu yao.

⁷ Yawe ni wa haki na anapenda watu watende kwa haki. Watu wa usawa wataona uso wake.