Zaburi 107 - BIBLIA Maandiko Matakatifu Kwa Watu Wote 2002

SEHEMU YA TANO (Zaburi 107–150 ) Sifa kwa Mungu mwema

¹ Mumushukuru Yawe kwa sababu ni muzuri! Wema wake unadumu milele!

² Museme hivyo, enyi muliokombolewa na Yawe, watu ambao aliwaokoa katika taabu,

³ akawakusanya kutoka inchi za kigeni: kutoka mashariki na magaribi, kutoka kaskazini na kusini.

⁴ Wamoja walitangatanga katika jangwa tupu, hawakuweza kufikia katika muji wa kukaa.

⁵ Walisikia njaa na kiu; wakavunjika moyo kabisa.

⁶ Halafu katika taabu yao wakamulilia Yawe, naye akawaokoa katika mateso yao.

⁷ Aliwaongoza katika njia iliyonyooka, mpaka wakafika katika muji wa kukaa.

⁸ Mumushukuru Yawe kwa wema wake na maajabu yake kwa wanadamu.

⁹ Yeye anakunywesha wenye kiu; na anashibisha wenye njaa mazuri.

¹⁰ Wengine waliishi katika giza na ukiwa, wafungwa katika mateso na minyororo,

¹¹ kwa sababu waliasi maagizo ya Mungu, na kuzarau mashauri ya Mungu Mukubwa.

¹² Walikuwa tabani kwa kazi ngumu, wakaanguka chini, wala hawakuwa na wa kuwasaidia.

¹³ Halafu katika taabu yao wakamulilia Yawe, naye akawaokoa katika mateso yao.

¹⁴ Aliwatoa katika giza na ukiwa, na minyororo yao akaivunjavunja.

¹⁵ Mumushukuru Yawe kwa wema wake na maajabu yake kwa wanadamu.

¹⁶ Yeye anavunja na kufungua milango ya shaba, na kukatakata vifungio vya chuma.

¹⁷ Wengine walipumbazika kwa sababu ya zambi zao, waliteseka kwa sababu ya uovu wao;

¹⁸ walichukizwa na chakula, walikuwa karibu kufa.

¹⁹ Halafu katika taabu yao wakamulilia Yawe, naye akawaokoa katika mateso yao.

²⁰ Kwa neno lake aliwaponyesha, akawaokoa wasiangamie.

²¹ Mumushukuru Yawe kwa wema wake na maajabu yake kwa wanadamu.

²² Wamutolee sadaka za shukrani; waeleze matendo yake kwa nyimbo za shangwe.

²³ Wengine walisafiri katika bahari ndani ya mashua, na kufanya shuguli zao humo juu ya bahari.

²⁴ Waliona matendo ya Yawe, mambo ya ajabu aliyotenda huko.

²⁵ Aliamuru, akavumisha zoruba kali, ikarusha juu mawimbi ya bahari.

²⁶ Walitupwa juu angani, kisha chini ndani ya shimo; uhodari wao ukawaishia katika tukio lile.

²⁷ Waliyumbayumba na kuwayawaya kama walevi; ufundi wao ukawaishia.

²⁸ Halafu katika taabu yao wakamulilia Yawe, naye akawaokoa katika mateso yao.

²⁹ Alituliza ile zoruba kali, nayo mawimbi yakanyamaza.

³⁰ Hapo wakafurahi kwa kupata utulivu; akawafikisha kwenye kivuko walichokiendea.

³¹ Mumushukuru Yawe kwa wema wake na maajabu yake kwa wanadamu.

³² Mumutukuze katika mukutano wa watu, na kumusifu katika baraza la wazee.

³³ Mungu aligeuza mito kuwa jangwa, chemichemi akazikausha kabisa.

³⁴ Udongo wenye mboleo akaugeuza kuwa udongo usioweza kutoa, kwa sababu ya uovu wa wakaaji wake.

³⁵ Aligeuza jangwa kuwa ziwa, na inchi ya kukauka kuwa chemichemi za maji.

³⁶ Akawahamishia wenye njaa kule, nao wakajenga muji wa kukaa humo.

³⁷ Walilima mashamba na kupanda mizabibu, wakavuna mazao kwa wingi.

³⁸ Aliwabariki watu wake, wakaongezeka; na hesabu ya wanyama wao akaizidisha.

³⁹ Kisha walipopunguka na kuwa wazaifu, kwa kugandamizwa, kuteswa na huzuni,

⁴⁰ aliwazarau wakubwa waliowatesa, akawazungusha katika jangwa lisilokuwa na njia.

⁴¹ Lakini aliwaokoa wakosefu katika taabu zao, akaongeza jamaa zao kama kundi la kondoo.

⁴² Watu wa usawa wanapoona jambo hilo wanafurahi, lakini waovu wote wananyamazishwa.

⁴³ Wenye hekima wafikiri juu ya mambo haya, watambue wema wa Yawe.