Zaburi 101 - BIBLIA Maandiko Matakatifu Kwa Watu Wote 2002

Mwenendo muzuri wa mufalme

¹ Zaburi ya Daudi. Wimbo wangu unaelekea wema na haki; ninauimba kwa heshima yako, ee Yawe.

² Nitashikamana na mwenendo mukamilifu. Utakuja kwangu wakati gani? Nitaishi kwa ukamilifu ndani ya nyumba yangu;

³ sitavumilia hata kidogo mambo ya upuuzi. Ninachukia matendo ya watu wapotovu, mimi sitaambatana nayo.

⁴ Upotovu wowote ukuwe mbali nami; sitahusika kabisa na uovu.

⁵ Nitateketeza yule anayemuteta mwenzake, sitamuvumilia mwenye majivuno na kiburi.

⁶ Nitawaangalia waaminifu katika inchi, wapate kuishi pamoja nami. Watu wakamilifu, ndio watakaonitumikia.

⁷ Mwongo yeyote hatakaa ndani ya nyumba yangu; hakuna musema uongo atakayekaa kwangu.

⁸ Siku kwa siku nitawaangamiza waovu wote katika inchi; nitawaangamiza wabaya wote katika muji wa Yawe.